Dy persona janë lënduar si pasojë e moskujdesit të një vozitësi të automjetit, i cili i ka goditur derisa ishin duke ecur në parking të një marketi.
Të lënduarit janë dërguar për trajtim mjekësor në qendrën emergjente në Gjilan, të cilët pas trajtimit janë liruar për në shtëpi.
Lajmin për teve1.info e ka konfirmuar zëdhënësi i Policisë për Rajonin e Gjilanit, Ismet Hashani, i cili ka thënë se aksidenti ka ndodhur si pasojë nga pakujdesia e vozitësit, i cili ishte duke lëvizur prapa.
Ngjarja ka ndodhur dje në parkingun e një marketi në rrugën “Lidhja e Prizrenit”, në Gjilan.
