Për këtë rast, ministri i Punëve të Brendshme, Xhelal Sveçla, ka reaguar duke thënë se nuk do të ketë tolerancë ndaj krimit, posaçërisht atij brenda radhëve të policisë!
Tëvë1 para disa javësh ka dërguar një pyetje në ministrin e udhëhequr nga Sveçla, në lidhje me atë nëse do ta iniciojnë ndonjë proces të vettingut në Policinë e Kosovës. Por, pavarësisht kohës së gjatë, ende nuk është marrë asnjë përgjigje nga kjo ministri.
Por, pavarësisht kësaj, njohësi i çështjeve të sigurisë, Nuredin Ibishi, thotë se nuk e sheh të nevojshëm, vettingun në Polici.
“Paga të jetë meritore, benefitet të jenë për zyrtarët policor ashtu siç duhet t’i kenë edhe normal mbikëqyrja. Mbikëqyrja, qoftë brenda strukturës hierarkike, mbikëqyrja nga Inspektorati Policor, por edhe nga komisioni parlamentar edhe mbikëqyrje të tjera çka realisht policia por edhe shoqëria civile edhe qytetarët. Mendoj që duke i zbatuar këto standarde të larta çfarë, prej edukimit e deri te procesi i punës së zyrtarëve policor unë mendoj që nuk ka nevojë për një vetting”, thotë Ibishi
Ndërsa, Anton Nrecaj nga Instituti CLARD thotë se për të luftuar përfshirjen e Policisë në krime, duhet të forcohen mekanizmat ekzistues që kontrollojnë punën e policisë.
“Është e domosdoshme të ketë reformim të thellë brenda për brenda strukturave të vetë Policisë, përfshirë nga lartë e te poshtë. Duke filluar nga Drejtori i Përgjithshëm i Policisë së Kosovës e deri te rreshteri që është një rang më i ulët, e mos të flasim edhe te zyrtari policor. Natyrisht që në kuadër të kësaj duhet të fuqizuar edhe mekanizmat ekzistues të cilët janë, përfshirë këtu edhe IPK-në”, thotë Ndrecaj.
Këtë vit, Inspektorati Policor ka zhvilluar dy aksione të quajtura “Pika” dhe “Pika 2”, ku ka arrestuar mbi 70 policë, nën dyshimin për keqpërdorim të pozitës zyrtare.
Kronika e realizuar nga gazetari Valmir Gallopeni
