Edhe të martën, emri i saj pritet që të propozohet në foltoren e Kuvendit për kryeparlamentare.
Tëvë1 merr vesh nga burimet që për herë të gjashtë, Lëvizja Vetëvendosje do e hedh emrin e Albulena Haxhiut për kryetare të Kuvendit para deputetëve.
Ky veprim i partisë fituese të zgjedhjeve të 9 shkurtit, sipas profesorit universitar Avdi Smajljaj, do të ketë epilog të njëjtë sikurse herët e kaluara.
Madje ai thotë që bllokimi i konstituimit të Kuvendit po i konvenon Vetëvendosjes.
Mirëpo, Smaljaj thotë se me mos votimin e Haxhiut edhe partitë opozitare e kanë një qëllim.
Kandidaturën e Albulena Haxhiut e kanë kundërshtuar kategorikisht partitë opozitare.
Qëndrimi i tyre është i njëjtë derisa të ndërrohet kandidati.
Të martën e 29 prillit, pritet të mbahet vazhdimi i seancës konstituive e Kuvendit të Kosovës për herën e tetë.
