56 vota për, i pati mandatari i parë i Vetëvendosjes për ta formuar qeverinë, Albin Kurti.
E për ti siguruar 61 vota për mandatarin e dytë, Glauk Konjufcën duket që kanë filluar përpjekjet.
Të martën, deputeti i Vetëvendosjes, Nezir Kraki bëri thirrje publike për njërën parti.
Kraki tha se Aleanca për Ardhmërinë e Kosovës duhet të votoj pro Konjufca 1 për këtë arsye.
“Pse AAK-ja mos me votu Konjufcën? Unë mendoj që AAK-ja ka interes mos me shku në zgjedhje menjëherë, unë në këtë rast po ia du të mirën AAK-së, mendoj që më mirë i bjen atyre mos me shku në zgjedhje, po ia them tash publikisht”, ka thënë Kraki.
Por, kjo deklaratë nuk e bindi Aleancën për Ardhmërinë e Kosovës.
Shefja e grupit parlamentar të AAK-së, Time Kadriaj thotë se janë gati për zgjedhje dhe se qëndrimi i tyre nuk ndryshon.
“Jo na stabilitetin më të madh në zgjedhje e ka pasë Aleanca, sepse nuk e ka hup asnjë komunë, edhe nuk e di ku po i bazon ai që duhet edhe nuk e di që z.Kraku me tregu se çka me bë na, na kemi qenë me qëndrime të qarta ne nuk do të votojmë”, ka thënë Kadriaj.
Zgjedhjet nacionale në Kosovë u mbajtën më 9 shkurt, që nga ajo vendi është pa institucione funksionale.
