Në orët e para të mëngjesit të së enjtes veteranët nga të gjitha qytetet ia mësynë Kuvendit të Kosovës.
Krejt kjo, më kërkesën që të përfshihen në projektligjin për pagën minimale.
Por, tek objekti i Kuvendit ishte pozicionuar Policia e Kosovës.
E gjatë gjithë kohës, situata po monitorohej edhe përmes dronëve.
Kur qindra veteranë u mblodhën tek hyrja e legjislativit, ata u ankuan se dikush po i provokonte nga objekti i presidencës.
Kaq mjaftoi, që qindra prej tyre në mënyrë të organizuar, të futën me forcë brenda oborrit të Kuvendit të Kosovës.
Barrikadën e parë e kaluan me lehtësi.
Por punë iu doli me Njësitin për Reagim të Shpejtë të Policisë së Kosovës.
E shumë shpejt, veteranët formuan edhe vet një barrikadë, në mënyrë që protestuesit të mos përleshen me policinë.
Në këtë formë, qindra veteranë tashmë ndodheshin brenda oborrit të Kuvendit të Kosovës.
E para tyre, doli edhe shefi i grupit parlamentar të PDK-së, Abelard Tahiri.
Por fjalimi i tij, nuk i pëlqeu të gjithëve.
Pas disa orësh qëndrim këtu, veteranët u shprehen goxha të vendosur në kërkesat e tyre.
E kur deputetët shkonin në pauzë, pushonin edhe veteranët.
Rreth orës 15:00 pranuan edhe ftesë për takim zyrtar me kryeministri, Albin Kurti mëngjesin e së premtes.
Por, kjo ftesë, nuk iu pëlqeu.
E një orë më vonë, u ndërpre edhe seanca që po zhvillohej brenda sallës plenare të Kuvendit të Kosovës.
Kështu edhe veteranët, u shpërndanë të qetë.
Ndërkohë për policinë e Kosovës, shpërndanë edhe lule.
Raporti i gazetarit Fidan Zejnullahu.