Veterani i UÇK-së, Agim Pllashniku, ka protestuar sot para Kuvendit kundër drejtorit të Ibër Lepencit, Faruk Mujka.
Ai e ka akuzuar Mujkën se e ka larguar nga puna pa arsye dhe me vendim të shpejt.
Madje ai tha se “shefat e Albin Kurtit i mbajnë paratë në jastëk, sepse ashtu flejnë më rahat”.
“Hajni në punë, veterani nëpër rrugë. Faruk Mujka para një muaji më ka larguar prej pune. Ai po punon e unë në rrugë. Atij ja kanë nxan 60 mijë euro në jastëk para një viti, tri ditë ka mbajtur burg dhe të hënën është kthyer si drejtor. E mu mka largu prej pune, 15 vjet kam punuar në Ibër Lepenc, se kam pasë asnjë vërejtje, me vendim të shpejt si ktyneherë”, tha ai.
“Keni me u befasu se çka kom me qit ditëve në vijim, unë ja dha Faruk Mujkes 1 muaj kohë të më kthej në punë, nëse nuk më kthen do t’i qes te gjitha faktet se çka ka bërë në Iber Lepenc në Mitrovicë. Keni mu trondit edhe ju, kam me ia qitë me kafe”, tha ai para gazetarëve.
