Pas vërshimeve që kapluan Pejën të shtunën e kaluar, Drejtori për Mbrojtje dhe Shpëtim në këtë komunë, Gëzim Gashi bën të ditur se ende nuk dihet vlera e dëmeve.
Gashi tha se po çdo ditë po pranojnë rreth 60 kërkesa për kompensim të dëmeve të shkaktuara.
“Çdo ditë po pranojmë të paktën në ditë deri në 50/60 kërkesa, por kemi pasë ditë që janë kanë edhe 180 kërkesa në ditë, për kompensimin e dëmeve të shkaktuara…në disa pjesë të lagjes ku ka pasur vërshime më të mëdha na duhet që edhe infrastrukturën ta rregullojmë edhe njëherë, sepse është shkatërruar pothuajse tërësisht”, deklaroi ai në “Ditari” në Tëvë 1.
Ai po ashtu theksoi se komuna ka marrë përgjegjësi të strehojë disa familje, për një kohë të caktuar, derisa të njëjtit të bëjnë një zgjidhje.
Si pasojë e reshjeve të mëdha të shiut, komuna e Pejës u vërshua të shtunën e kaluar, me ç’rast dy persona mbetën të vdekur. /Teve1.info/
