Punimet tash e gjashtë ditë nuk janë ndalur.
Këtu tashmë është vendosur edhe themeli për ndërtimin e dy urave mbi Lumin Ibër që lidhin veriun me jugun e Mitrovicës.
Këto punime sipas institucioneve, pritet të përfundojnë në vjeshtë, ndërkaq e para që pritet të lëshohet është kjo për vetura.
E që rruga të bëhet më e qarkullueshme, të hënën u rrënua edhe kjo shtëpi.
Në anën tjetër deputeti i Lëvizjes Vetëvendosje, Agim Bahtiri doli ti shoh nga afër këto punime me ç’rast tha që nisja e ndërtimit të urave është në të mirë të të dy komuniteteve.
Pikërisht kundër ndërtimit të këtyre urave, partia më e madhe serbe, Lista Serbe ka nisur të hënën një peticion, i cili sipas kryetarit të këtij subjekti, Zllatan Elek do t’i përcillet bashkësisë ndërkombëtare.
Deputeti i Listës Serbe, Igor Simiq tha se këto veprime të Kosovës janë politike kundër serbëve.
Këto veprime të Listës Serbe, ministri i Administrimit të Pushtetit Lokal, Elbert Krasniqi i quajti si metoda të Beogradit kundër Kosovës.
Që gjithçka të monitorohet në këtë zonë, u vendosën reflektorë dhe kamera nga institucionet gjegjëse.
