Pas tetë orëve në Prishtinë, kryeministri shqiptar Edi Rama u kthye në Tiranë pa e takuar kryeministrin kosovar, Albin Kurti.
Këtë herë, u panë që raportet në mes tyre ishin të ftohta.
Pas insistimit të gazetarëve për këtë temë, kryeministri i Kosovës Albin Kurti duke u larguar tha se raportet me Ramën i kanë të mira.
“Për besë..raportet raportet janë të mira.”
E analisti politik, Ben Andoni, thotë se të dy liderët janë të interesuar që çdo gjë politike ta kthejnë në interes të tyre dypalësh.
Sipas tij, po luan rol edhe retorika e Kurtit pasi sipas tij, ai po mundohet që Tiranën ta konsideroj si partnerë ballkanik e jo vend më të afërt.
Sipas analistit politik, Ariton Rama tha se raportet Kurti-Rama u prishën edhe për shkak të ndërhyrjeve politike në Maqedoni të Veriut.
Në këtë vit, nuk pritet që të këtë një mbledhje në mes Qeverisë së Kosovës dhe asaj të Shqipërisë.
Të hënën, gjatë qëndrimit të tij në Kosovë, Rama tregoi se nuk ka plan për këtë mbledhje.
