Vëllau i Liridona Ademajt, Leonard Ademaj po kërkon drejtësi të shpejtë dhe profesionale pas vrasjes së motrës së tij.
Në një postim në Facebook, ai ka thënë se asnjë grua nuk duhet të vritet dhe se kriminelët duhet të “kalben në burg”, raporton teve1.info
“Liridona ka qenë grua e fortë dhe pozitive, nënë e përkushtuar dhe familjare e dashur. Atë na e morën kriminelët dhe krejt çfarë duam ne është drejtësi. Ne duam drejtësi të shpejtë dhe profesionale, pa vonesa dhe pa gabime. Kriminelët duhet të kalben në burg. Asnjë grua tjetër nuk duhet të vritet. Shpresoj që institucionet do të na lejojnë që Liridonen ta kthejmë nesër aty ku e ka vendin, në shtëpinë e saj”, ka shkruar ai.
Ademaj po ashtu ka falënderuar të gjithë ata që kanë shprehur ngushëllime dhe mbështetjen që u kanë dhënë, pas vdekjes së motrës së tij.
