Edhe pse ndodhet në paraburgim, kryebashkiaku i Tiranës, Erion Veliaj, ka urdhëruar që kryeqyteti shqiptar të fillojë menjëherë përgatitjet për festat e fundvitit.
Sipas urdhrit të tij, Ndërmarrja e Dekorit dhe Eventeve do të marrë masat për vendosjen e ndriçimeve dhe zbukurimeve festive në sheshe, rrugë dhe hapësira publike, duke respektuar standardet më të larta të sigurisë, si edhe kriteret teknike dhe estetike të përcaktuara për këtë qëllim.
Në dokument theksohet gjithashtu se, në zbatim të vendimit nr. 420, datë 08.06.2006 të Këshillit të Ministrave “Për miratimin e ceremonialit shtetëror të Republikës së Shqipërisë”, të merren masa për dekorimin e godinave të ministrive sipas kërkesave të institucioneve përkatëse, , raporton TCH.
Më 3 nëntor, Gjykata Kushtetuese në Shqipëri, ia ka dhënë të drejtë Erion Veliajt për të vazhduar detyrën si kryetar i Bashkisë së Tiranës.
