Kandidati për kryetar të Komunës së Gjakovës nga radhët e partisë Balli Kombëtar Shqiptar, Nikollë Perkaj ka vdekur në një vetaksident i cili u regjistrua të shtunën pak pas mesnatës në rrugën “Vesli Klark” në Gjakovë.
Lajmin për vdekjen e tij e kanë bërë publik miqtë dhe familjarët në rrjetet sociale.
“Me pikëllim të thellë mora lajmin për ndarjen e papritur nga jeta të Kryetarit të PBKDSH. Ngushëllime të sinqerta familjes, farefisit dhe të gjithë anëtarëve të Ballit Kombëtar Shqiptar të Kosovës. Qoftë i paharruar kujtimi i tij dhe u prehtë në paqe”, thuhet në një postim në Facebook.
