Të shtunën në rrugën “Vesli Klark” në Gjakovë ka ndodhur një aksident trafiku me fatalitet, ku një person ka humbur jetën si pasojë e vetëaksidentit.
Sipas raportit 24-orësh të Policisë, viktima dyshohet se ka humbur kontrollin mbi automjetin, ka dalë nga rruga, ka goditur një rrethojë metalike dhe ka përfunduar në hapësirën e një restoranti.
Vdekja e tij është konstatuar nga mjeku kujdestar në vendin e ngjarjes, ndërsa, me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
“Viktima mashkull kosovar deri sa ka qenë duke drejtuar automjetin e tij me targa vendore dyshohet se në një moment e humb kontrollin mbi drejtimin e automjetet dhe përfundon jashtë rruge duke u duke goditur një rrethojë metalike dhe përfundon në hapësirën e një restoranti. Në vendin e ngjarjes nga mjeku kujdestar është konstatuar vdekja e viktimës, ndërsa me urdhër të prokurorit kujdestar, trupi i pa jetë dërgohet në IML për obduksion”, ka njoftuar Policia e Kosovës./teve1.info/
