Pas një sëmundjeje të rëndë ka vdekur veterani i UÇK-së, Skender Hoti.
Lajmin për vdekjen e tij e ka bërë të ditur Kryetari i Komunës së Rahovecit, Smajl Latifi.
Latifi ka thënë se përveç kontributit për liri, Hoti ka qenë edhe infermier në QMF në fshatin Ratkoc.
“Kontributi i Skenderit në luftën për liri, por edhe pas luftës në fushën e shëndetësisë si infermier në Qendrën e Mjekësisë Familjare në Ratkoc, është shumë i madh dhe asnjëherë nuk do të harrohet”, ka shkruar Latifi.
Ndryshe, kryetari i kësaj komune u ka shpreh ngushëllime familjarëve dhe kolegëve të të ndjerit.
“Me këtë rast, u shpreh ngushëllimet më të sinqerta familjes së ngushtë të Skenderit, vëllezërve të tij, farefisit, miqve, kolegëve nga QKMF-ja në Rahovec dhe të gjithë bashkëluftëtarëve”, shkroi Latifi në Facebook./teve1.info/
