Presidentja e Kosovës, Justina Shiroka Pula, ka pritur në takim ambasadoren e Zvicrës në Kosovë, Anne-Lise Cattin Hennin, me të cilën ka diskutuar për marrëdhëniet bilaterale dhe bashkëpunimin ndërmjet dy vendeve.
Gjatë takimit, Shiroka Pula ka vlerësuar marrëdhëniet mes Kosovës dhe Zvicrës, duke e cilësuar këtë shtet një nga partnerët e rëndësishëm të Kosovës në aspektin politik, ekonomik dhe zhvillimor.
Ajo ka shprehur mirënjohje për mbështetjen shumëvjeçare të Zvicrës në zhvillimin dhe shtetndërtimin e Kosovës, si dhe në rrugëtimin evropian të vendit.
Në takim është vlerësuar edhe roli i mërgatës shqiptare në Zvicër, si dhe kontributi i kontingjentit zviceran Swisscoy në kuadër të misionit të KFOR-it për sigurinë dhe stabilitetin në Kosovë.
Presidentja ka theksuar se bashkëpunimi ndërmjet Kosovës dhe Zvicrës do të vazhdojë të thellohet./teve1.info/
