Shërbimi Korrektues i Kosovës ka njoftuar për ndarjen nga jeta të zyrtarit të tij, Granit Sherifi.
Në një telegram ngushëllimi, institucioni ka vlerësuar lart figurën e tij, duke theksuar se humbja e Sherifit ka prekur rëndë të gjithë kolektivin.
Ai është përshkruar jo vetëm si një profesionist i përkushtuar, por edhe si një mik i çmuar dhe njeri me vlera të larta njerëzore.
“Sherifi ishte shembull i integritetit dhe përkushtimit në punë, duke lënë gjurmë të pashlyeshme në mesin e kolegëve të tij”, thuhet në reagim.
Drejtori i Përgjithshëm i Shërbimit Korrektues të Kosovës, Ismail Dibrani, në emër të institucionit, u ka shprehur ngushëllimet më të sinqerta familjes, miqve dhe të gjithë atyre që e kanë njohur të ndjerin.
