Një zjarrfikës ka humbur të enjten në Krushevë të Klinës gjatë kryerjes së detyrës së tij.
Zëdhënësi i policisë për rajonin e Pejës, Fadil Gashi, e ka konfirmuar rastin për teve1.info
Gashi tha se i ndjeri ishte duke shuar një zjarr në Krushevë të Vogël kur ka rënë dhe është rrëzuar.
“Rreth orës 13:50 stacioni policor ka pranuar një informatë për një zjarrvënie në Krushevë të Vogël të Klinës. Në vendngjarje menjëherë kanë dalë njësitet policore si dhe zjarrfikësit. Në kohën kur zjarrfikësit kanë filluar të intervenojnë, njëri nga zjarrfikësit është rrëzuar në tokë. Ai është dërguar në Qendrën e Mjekësisë Familjare, ku mjeku kujdestar ka konstatuar vdekjen e tij”, tha Gashi.
