Një burrë ka humbur jetën të premten në fshatin Penuhë të komunës së Podujevës.
Sipas Policisë, viktima ishte duke shëtitur me karrocën e tij, kur dyshohet se i është përkeqësuar gjendja shëndetësore.
Ai ka mbetur pa shenja jete në vendin e ngjarjes dhe më pas është dërguar në Qendrën e Emergjencës, ku mjekët kanë konstatuar vdekjen e tij.
Lidhur me rastin është njoftuar prokurori.
“Fsh. Penuhë, Podujevë 17.10.2025 – 15:15. Viktima mashkull kosovar i cili dyshohet se kishte probleme shëndetësore derisa ishte duke shëtitur me karrocën e tij i është përkeqësuar gjendja shëndetësore dhe ka mbetur pa shenja jete. Pasi është dërguar në emergjencë, është konfirmuar vdekja e tij. Lidhur me rastin është informuar edhe prokurori”, thuhet në raport të policisë./teve1.info/
