9 prilli i vitit 2008 shënon një datë historike për Kosovën.
18 vite më parë, u ratifikua akti juridik më i lartë i një shteti.
Me këtë datë, Kosova u bë me Kushtetutën e saj.
E përgjatë muajve të fundit, në çështje të rëndësishme për vendin, shpeshherë pati edhe interpretime të ndryshme të saj.
“Zbatimi i saj ka qenë pak më sfidues, për shkak se në të shumtën e rasteve kanë pru vendime si Qeveria, së bashku me Parlamentin, sidomos këto vitet e fundit dhe ka pasë konteste jashtëzakonisht të mëdha para Gjykatës Kushtetuese. Bile kanë qenë 12-13 ligje që Gjykata i ka shfuziqu dhe i ka kthyer në rivendosje”, ka thënë Hasan Shala, ish-kryetar i Gjykatës së Apelit.
Por sa u respektua ajo?
“Në mënyrë komulative unë konsideroj se është respektuar Kushtetuta, por në raste të veçanta nuk është respektuar, në bazë të mungesës së vetëdijes politike dhe shtetërore të autoriteteve të shtetit. Por, është Gjykata Kushtetuese e cila e vë në rregullativë Kushtetutën. Kështu që, është një organ i centralizuar, i cili në momente të caktuara kur aktet ligjore dhe nënligjore janë në kundërshtim ose janë në disharmoni me Kushtetutën, ajo i rregullon”, vlerëson Kadri Kryeziu, ish –anëtar i Gjykatës Kushtetuese.
Për nder të ditës së Kushtetutës, të mërkurën është mbajtur ditë e hapur në Gjykatën Kushtetuese.
