Një grua ka humbur jetën, si pasojë e lëndimeve të rënda trupore që ka marrë në një aksident trafiku, i cili ka ndodhur mbrëmë në Prishtinë.
Viktima ishte duke u trajtuar në Qendrën Klinike Universitare të Prishtinës (QKUK), por e njëjta nuk ka arritur t’i përballojë plagët dhe ka ndërruar jetë.
Policia ka bërë të ditur se vdekja e 68-vjeçares është konfirmuar nga ekipi mjekësor në QKUK.
Aksidenti me fatalitet ka ndodhur mbrëmë në lagjen “Emshir” në Prishtinë, kur një motoçiklist ka goditur viktimën.
Ndërkaq, lidhur me këtë aksident ngasësi i motoçikletës është në kërkim.
Policia thotë se tashmë njësitë relevante kanë nisur hetim për zbardhjen e rrethanave që kanë çuar deri te aksidenti./teve1.info/
