Lajmin për vdekjen e tij e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti ka thënë se viktima ishte i lënduar rëndë, dhe i njëjti është dërguar për trajtim mjekësor, ku më pas edhe ka ndërruar jetë.
“Rreth orës 10:30, nga QKUK, kemi pranuar informatën se një person i lënduar rëndë (në Obiliq), është dërguar për trajtim mjekësor dhe i njëjti pak minuta më pas, ka ndërruar jetë. Vdekja e viktimës B.D. mashkull 59 vjeç, është konstatuar nga ana e mjekëve në QKUK”, ka thënë ajo.
Sipas saj, trupi i pa jetë i viktimës është dërguar për obduksion.
“Trupi i pa jetë i viktimës është dërguar për obduksion ndërkaq policia në koordinim me prokurorin e shtetit po trajton rrethanat e ngjarjes duke proceduar me një hetim mbi vdekjen”, tha Ahmeti. /teve1.info/
