Një 52-vjeçar nga fshati Shirokë i Suharekës ka vdekur pas plagëve të marra në një vetaksident komunikacioni.
Rasti është konfirmuar nga Policia e Kosovës.
Zëdhënësi i Policisë për rajonin e Prizrenit, Shaqir Bytyqi ka njoftuar se vetaksdineti ka ndodhur rreth orës 10:06 minuta, ndërsa 52-vjeçari edhe pse ka pranuar trajtim mjekësor nuk ka arritur t’u mbijetojë plagëve.
“Në aksident është përfshirë automjeti që drejtohej nga B.U., mashkull rreth 52 vjeç, banues në fshatin Shirokë, Komuna e Suharekës. Si pasojë e vetaksidentit, drejtuesi i automjetit ka pësuar lëndime të rënda trupore. I njëjti ka pranuar trajtim mjekësor, mirëpo nuk ka arritur t’u mbijetojë lëndimeve të pësuara. Vdekja e tij është konstatuar nga mjeku kujdestar”, tha ai për teve1.info.
Bytyqi bëri të ditur se njësitet kompetente policore, në koordinim me Prokurorin e Shtetit, janë duke ndërmarrë veprimet e nevojshme hetimore për sqarimin e rrethanave të këtij rasti.
