Një grua ka humbur jetën, dje në Qendrën Klinike Universitare të Kosovës, pasi që e njëjta të premten ka pësuar aksident.
Viktima ishte duke u trajtuar në QKUK, por që nuk i ka mbijetuar plagëve të marra nga goditja e veturës.
Në aksident kanë mbetur të lënduar edhe shtatë pasagjerë, të cilët ishin dërguar për tretman mjekësor.
Ngjarja ka ndodhur në fshatin Gërdovc të Podujevës.
Ndërkohë, me urdhër të prokurorit trupi i pajetë i viktimës është dërguar në IML për obduksion.
Lidhur me rastin, në raportin 24-orësh është bërë e ditur se është ende në hetime.
“AKSIDENT TRAFIKU ME FATALITET Fsh. Gërdovc, Podujevë 19.05.2023 – 20:55. Me datën e cekur kishte ndodhur aksident trafiku në të cilin ishin përshirë dy vetura. I dyshuari mashkull kosovar derisa ishte duke drejtuar veturën dyshohet se nga pakujdesia ka shkaktuar aksidentin duke goditur veturën tjetër të cilën ishte duke e drejtuar viktima mashkull kosovar. Si pasojë, lëndime kanë pësuar shtatë pasagjerë kosovarë të cilët ishin dërguar për tretman mjekësor. Me datë 21.05.2023 viktima femër kosovare e cila ishte duke u trajtuar në QKUK, dyshohet si pasojë e lëndimeve, ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion. Rasti në proces hetimor”, thuhet në raportin e Policisë.
