Një person i moshës 82- vjeç ka vdekur në Qendrën Klinike Universitare të Kosovës, pasi është goditur nga një veturë në rrugën magjistrale Ferizaj- Prishtinë në afërsi me udhëkryqin e fshatit Prelez i Muhaxherëve.
Sipas Policisë së Kosovës ai ishte goditur nga vetura rreth orës 17:00 dhe pas dhënies së ndihmës së parë mjekësore në gjendje të rëndë është dërguar në QKUK.
Zëdhënësi i Policisë së Kosovës për rajonin e Ferizajt, Kanun Veseli ka bërë të ditur se rreth orës 21:30 janë njoftuar nga QKUK se i aksidentuari ka ndërruar jetë.
“Rreth orës 21:30 jemi njoftuar nga Qendra Klinike Universitare e Prishtinës se viktima e aksidentit (këmbësori) B.J ( M/K) i moshës 82 vjeçar ka ndërruar jetë”, ka thënë Veseli.
Ai ka bërë të ditur se shoferi i automjetit 54-vjeç është ndaluar për 48 orë.
