Sot ka ndërruar jetë Jeton Berisha, njëri nga tre viktimat e tentim vrasjes së para disa javësh në Pejë.
Këtë e ka konfirmuar për teve1.info zëdhënësi i Prokurorisë, Shkodran Nikçi.
“Është lëshuar urdhri për obdukimin e viktimës nga Prokurori i shtetit”, ka thënë Nikçi
Kujtojmë se tre persona mbetën të plagosur më 22 maj në qendër të Pejës, pas një mosmarrëveshjeje.
Të plagosur kishin mbetur Jeton Berisha i cili ka ndërruar jetë sot në Qendrën Klinike Universitare të Kosovës, dhe dy djemtë e tij Jetnisi dhe Jetarti.
I dyshuar për këtë rast është Agron Gashi, të cilit Gjykata Themelore e Pejës, më 24 maj ia ka caktuar masën e paraburgimit prej një muaji.
