Një 23-vjeçar ka humbur jetën në Librazhd si pasojë e një incidenti të ndodhur teksa po riparonte mjetin e tij në një servis.
Sipas njoftimit zyrtar të Policisë së Shtetit, i riu me inicialet L.D. është transportuar me urgjencë në spital pas marrjes së lëndimeve, por fatkeqësisht nuk ka mundur t’u mbijetojë plagëve.
Autoritetet bëjnë me dije se grupi hetimor ndodhet në vendngjarje dhe po punon për zbardhjen e plotë të rrethanave të incidentit. /rtsh.al/
