Një person është gjetur pa shenja jete në Shalë të Bajgorës, raporton teve1.info.
Policia e Kosovës ka bërë të ditur se vdekjen e viktimës e ka konstatuar mjeku kujdestar, ndërsa me vendim të prokurorit trupi i pajetë është dërguar në IML për obduksion.
Ky rast nga Policia e Kosovës është cilësuar si “Vdekje e dyshimtë”.
“Rr. Shala e Bajgorës 03.04.2023 – 06:55. Është raportuar se viktima mashkull kosovar është gjetur pa shenja jete. Vdekjen e viktimës e ka konstatuar mjeku kujdestar. Me vendim të prokurorit trupi i pajetë është dërguar në IML për Obduksion”, thuhet në raportin 24-orësh të Policisë.
