Një vajzë ka humbur jetën, pasi që e njëjta ka rënë nga një objekt, në lagjen “Lakrishtë” në Prishtinë.
Vdekja e saj është konstatuar në vendin e ngjarjes nga ekipi mjekësor.
Zëdhënësja e Policisë së Kosovës për rajonin e Prishtinës, Flora Ahmeti, bëri të ditur se lidhur me këtë rast kanë nisur hetimet.
“Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, tha ajo për teve1.info.
