Po vazhdojnë kërkimet për gjetjen e trupit të 33-vjeçarit i cili të dielën ka kërcyer nga ura e Liqenit të Ujmanit.
Ekipe të shumta të kërkimit janë parë në liqen edhe të hënën.
Megjithatë thellësia e madhe që vlerësohet së është afër 40 metra dhe dukshmëria jo e mirë ka bërë që trupi i tij të mos gjendet ende.
“Njësia e Kontrollit e Kufirit Ujor së bashku me një Zhytës të Klubit Trepça janë në kërkim të personit. Për shkak zë thellësisë që përafërsisht është deri 40 metra në vendngjarje dhe dukshmërisë jo të mirë në ujë ,ende nuk kanë arrit me nxjerr personin”, ka thënë të dielën për Tëvë1, Arsim Leci shef i njësisë së kontrollit të kufirit ujor.
Policia e Kosovës e ka cilësuar si vdekje të dyshimtë rastin
“Raportohet se viktima mashkull ishte futur në liqenin e Ujmanit, mirëpo nuk ka dal më në sipërfaqe. Në vendin e ngjarjes kanë dal njësitë policore, njësia për kërkim dhe shpëtim, njësia e zhytësve dhe ekipi nga emergjenca, ku po vazhdojnë kërkimet për viktimën”, thuhet në raportin 24-orësh të PK-së.
