Rayo Vallecano fitoi të enjten 3-2 me përmbysje kundër Lech Poznan për raundin e tretë të fazës së ligës në Conference League. Festa është prishur te spanjollët dhe protagonist është bërë Ivan Balliu, mbrojtësi i Kombëtares.
Balliu ishte titullar, mirëpo skuadra e tij humbi 0-2 në pjesën e parë. Në minutën e 55-të trajneri Inigo Perez vendosi të bënte katër zëvendësime, mes tyre edhe Balliun. Kjo nuk i ka pëlqyer mbrojtësi kuqezi që ka ngritur zërin në stol dhe është filmuar duke kritikuar trajnerin.
Kaq ka mjaftuar që Balliu dhe Perez të përfshiheshin në një debat verbal që ka tensionuar situatën te Vallecano. Paçka përmbysjes së madhe 3-2, Perez nuk ka dalë në konferencën për mediet pasi nuk ndihej i qetë.
“Ne festuam fitoren, u takuam dhe kaq. Ky është futbolli”, tha Andrei Ratiu ndërsa kalonte nëpër zonën mix të gazetarëve. Mesfushori Pedro Diaz gjithashtu e minimizoi çështjen, duke shpjeguar mungesën e trajnerit në konferencën për shtyp. “Këto gjëra ndodhin në dhomat e zhveshjes. Ai nuk del sepse është një person shumë emocional, ndonjëherë është i pari që del dhe ndonjëherë i fundit.”
