Dizajneri kosovar, Valdrin Sahiti ka dorëzuar pasaportën diplomatik në Ministrinë e Punëve të Jashtme dhe Diasporës.
Kjo u bë e ditur nga MPJD në një përgjigje për teve1.info, ku thuhet se tashmë ajo është e pavlefshme me kërkesë të tij.
“Sa i përket rastit të z.Sahiti, deri tani MPJD nuk ka pranuar asnjë raport a konfirmim zyrtar nga autoritetet turke rreth ndalimit të tij në shtetin turk. Megjithatë ju bëjmë të ditur se z.Sahiti e ka dorëzuar pasaportën diplomatike me datë 26.04.2023, e cila me kërkesë të z.Sahiti, është pa vleftësuar”.
Në media javë më parë është raportuar se Sahiti është arrestuar në aeroportin e Stambollit.
Sipas disa mediave “policia turke zbuloi se kishte drogë dhe tentoi të kalonte duke përdorur statusin e diplomatit”.
Ndryshe, Valdrin Sahiti është pajisur me pasaportë diplomatike në dhjetor të vitit 2020, me vendim të ish-ministres së Punëve të Jashtme dhe Diasporës, Meliza Haradinaj.