Dy persona të dyshuar janë ndaluar nga Policia e Kosovës pasi janë kapur me armë pa leje gjatë një patrullimi policor në fshatin Duzhnje të Komunës së Gjakovës.
Sipas njoftimit zyrtar, gjatë aksionit janë sekuestruar një armë e gjatë e tipit AK-47, një pistoletë e markës SIG Sauer, si dhe 44 fishekë të kalibrave të ndryshëm.
Të dyshuarit janë intervistuar në stacionin policor dhe, në konsultim me prokurorin e shtetit, është iniciuar rasti për veprën penale “Mbajtja në pronësi, kontroll ose posedim të paautorizuar të armëve”.
Pas procedurave fillestare, ata janë liruar në procedurë të rregullt.
Drejtoria Rajonale e Policisë në Gjakovë ka theksuar se mbetet e përkushtuar në luftimin e kriminalitetit dhe rritjen e sigurisë publike, në bashkëpunim të ngushtë me qytetarët dhe institucionet e drejtësisë.
