Ushtria izraelite ka nisur një seri sulmesh ajrore dhe artilerie në të gjithë Rripin e Gazës, pas urdhrave të kryeministrit Benjamin Netanyahu për të kryer “sulme të menjëhershme dhe të fuqishme” në enklavën palestineze për shkak të pretendimeve për shkelje të armëpushimit nga Hamasi.
Sipas korrespondentëve të Anadolu-t, një sulm ajror izraelit goditi kampin e refugjatëve al-Shati në pjesën perëndimore të Qytetit Gaza, ndërkohë zjarri i artilerisë shënjestroi zonat në lindje të qytetit Deir al-Balah në Gazën qendrore.
Raketat gjithashtu goditën zonën rreth Kompleksit Mjekësor Shifa në Qytetin Gaza.
Mediat lokale thanë se një dron izraelit goditi oborrin e Spitalit Shifa, i vendosur brenda zonave përtej “vijës së verdhë” nga e cila forcat izraelite më parë ishin tërhequr sipas marrëveshjes së armëpushimit.
Disa persona janë vrarë dhe janë plagosur në mbrëmje në sulmin ajror izraelit në Qytetin Gaza, duke shënuar një shkelje të re të marrëveshjes së armëpushimit.
Korrespondenti tha se sulmi izraelit shënjestroi një shtëpi në lagjen Sabra në pjesën jugore të Qytetit Gaza, brenda “vijës së verdhë” nga e cila forcat izraelit më herët ishin tërhequr sipas marrëveshjes së armëpushimit.
