Ushtarë të KFOR-it nga Lituania, Danimarka, Turqia, Finlanda dhe Gjermania, së bashku me personelin e Aviacionit të Ushtrisë së Shteteve të Bashkuara të Amerikës kanë zhvilluar trajnim për transport me litar në Kampin në Novosellë.
Sipas njoftimit zyrtar, ky trajnim u mundëson njësive të aviacionit të KFOR-it të transportojnë shpejt dhe në mënyrë të sigurt furnizimet e nevojshme, duke përmirësuar shpejtësinë, saktësinë, efikasitetin dhe bashkëpunimin multinacional.
“KFOR vazhdon të zbatojë mandatin e tij, bazuar në Rezolutën 1244 të OKB-së, për të siguruar një ambient të sigurt dhe liri lëvizjeje për të gjithë qytetarët e Kosovës, në koordinim me Policinë e Kosovës dhe EULEX-in”, theksohet në njoftim./teve1.info/
