Presidentja e Komisionit Europian, Ursula von der Leyen ka publikuar fotografinë e përbashkët pas samitit të sotëm të Procesit të Berlinit.
Ajo përmes platformës “X” ka thënë se “integrimi i hershëm ekonomik është çelësi i suksesit të zgjerimit”, raporton teve1.info
Tutje, Ursula von der Leyen theksoi se tregu i përbashkët rajonal luan një rol kyç.
“Integrimi i hershëm ekonomik është çelësi i suksesit të zgjerimit. Tregu i përbashkët rajonal luan një rol kyç. Sa më mirë të funksionojë, aq më mirë ekonomitë e Ballkanit Perëndimor mund të integrohen gradualisht në tregun tonë të vetëm.” – ka shkruar ajo.
Early economic integration is key to the success of enlargement.
The Common Regional Market plays a key role.
The better it functions, the better the Western Balkans’ economies can be gradually integrated in our Single Market. pic.twitter.com/FsBbsxT9dt
— Ursula von der Leyen (@vonderleyen) October 14, 2024
Ndryshe, kryeministri i Kosovës, Albin Kurti në Samitin e Procesit të Berlinit, i cili është mbajtur në Berlin nën drejtimin e kancelarit gjerman Olaf Schoz, ka thënë se pas këtyre dhjetë viteve siguria e Evropës nuk ka ndryshuar për mirë, raporton teve1.info
“Pavarësisht sfidave të brendshme dhe eksternale, Procesi i Berlinit mbetet një forcë nxitëse për integrimin evropian dhe lidhja që mban të lidhur Gjashtëshen e Ballkanit Perëndimor. Kjo është ajo që e njohim dhe e festojmë sot këtu në Berlin”, u shpreh Kurti.
Kryeministri ka folur edhe për Tregun e Përbashkët Rajonal, ku ka thënë se kjo është një e arritur e madhe e dalë nga Procesi i Berlinit.
“Një momentum i ri është fituar pas kalimit të ngërçit brenda CEFTA-s. Tani mund të avancojmë me një ritëm të ndryshëm, me barazinë në qendër dhe qytetarët si përfitues të fundit”, është shprehur Kurti.
Kryeministri ka folur dhe për çështjen e lëvizjes me letërnjoftim mes Kosovës dhe Bosnje e Hercegovinës, ku tha se Republika Sprska po refuzon ratifikimin e kësaj marrëveshje, të cilën Kosova e ratifikoi në Kuvend.
Kurti dha edhe një lajm të mirë për qytetarët e Bosnjës, ku tha se nga janari i vitit të ardhshëm do të mund të udhëtojnë me letërnjoftim në Kosovë.
Kurti në Berlin kërkon që Kosovës t’i jepet statuti i kandidatit për BE