Eksperti i çështjeve të sigurisë, Ilir Kulla, në emisionin “Matrix” në Tëvë1 ka folur për situatën në Lindjen e Mesme, ku tashmë janë bërë 30 ditë nga fillimi i konfliktit SHBA–Izrael – Iran.
Kulla bëri të ditur se deri tani, Irani ka goditur 5,609 objektiva, nga të cilat 1,500 janë me raketa, ndërsa pjesa tjetër me dronë, duke treguar se ekziston një dallim mes asaj që deklarohet zyrtarisht dhe realitetit në terren.
Ai paralajmëron se situata mund të eskalojë dhe ekziston mundësia e nisjes së një konflikti të drejtpërdrejtë mes Arabisë Saudite dhe Iranit.
“Jo rasishtë vendet e Gjirit, vendet arabe të Gjirit, po shikojnë mundësinë e një angazhimi të tyre në një konflikt të drejtë për drejtë. Pra, mundësia është që të kemi edhe një luftë Arabe–Iraniane në ditët e ardhshme”, tha Kulla.
Sipas tij, situata mbetet e paparashikueshme dhe çdo zhvillim mund të ketë ndikim të drejtpërdrejtë në stabilitetin e rajonit./teve1.info/
