Kandidati për kryetar të Prishtinës, Uran Ismaili, ka prezantuar një plan konkret për rritjen e sigurisë publike në qytet, duke e cilësuar mungesën e ndriçimit dhe të infrastrukturës si rrezik të përditshëm për qytetarët.
“Në një kryeqytet në errësirë nuk i shërbehet askujt”, u shpreh ai, duke premtuar ndriçim shtesë në 1,000 rrugë, ndërtimin e 450 km trotuareve të reja, trajtimin human të 5,000 qenve endacakë, si dhe angazhimin e 200 oficerëve të trajnuar të sigurisë në shkollat e kryeqytetit.
Sipas Ismailit, këto masa janë të domosdoshme për të garantuar siguri 24/7 për qytetarët dhe për ta bërë Prishtinën një qytet më të jetueshëm për të gjithë./teve1.info/
