Sipas udhëzimeve të Autoritetit më të Lartë të Edukimit të Irlandës, universitetet irlandeze mund ta rikthejnë mënyrën tradicionale të notimit me gojë dhe provime me shkrim si pjesë e përpjekjeve për të luftuar keqpërdorimin e inteligjencës artificiale.
Rekomandimet, e dhëna në një raport 20-faqësh, i nxisin institucionet e nivelit të tretë të ridizajnojnë metodat e vlerësimit për të siguruar që puna e studentëve është autentike.
Një masë e propozuar është përdorimi rutinor i “verifikimit me gojë”, ku studentëve do t’u kërkohet të diskutojnë detyrat e tyre personalisht për të demonstruar se puna është e tyre.
HEA thotë se rritja e shpejtë e mjeteve gjeneruese të IA-së, të cilat mund të prodhojnë ese bindëse dhe materiale të tjera akademike, e ka bërë gjithnjë e më të vështirë për pedagogët vlerësimin e origjinalitetit.
Raporti thekson se proceset e integritetit duhet të bazohen në dialog, prova dhe drejtësi, në vend të mjeteve të automatizuara. Ai gjithashtu sugjeron një kthim të mundshëm te provimet më “të modës së vjetër” të kryera pa qasje në teknologji.
