Uka për Tëvë1 bëri të ditur se për të arritur rezultate për gjetjen e personave të zhdukur, duhet të ketë veprime të shumëfishta nga institucione të ndryshme.
“Jemi të bindur se pala serbe posedojnë të gjitha informatat lidhur me lokacionet të vend varrezave qoftë në Serbi apo në Kosovë. Fillimisht ne marrim informata nga dëshmitarë të caktuar, qoftë në formë anonimë apo edhe në takime fizike. Mirëpo, informatat zakonisht përpunohen nga sektorë të veçantë të policisë. Në procesin e identifikimeve punojnë institucione të ndryshme, duke filluar nga policia, komisioni për persona të zhdukur, Kryqi i Kuq Ndërkombëtar i cili ndërmjetëson në bisedime për persona të zhdukur, jemi ne si Institut i Mjekësisë Ligjore. Mirëpo, për të arritur deri te një rezultat duhen veprime të shumëfishta prej institucioneve të ndryshme”, tha Uka në emisionin “Info-Nata”.
Tutje, ai tha se pala serbe është ajo që disponon me informata valide, mirëpo për shkak të vullnetit të tyre politik, ata nuk kanë shprehur gatishmëri për bashkëpunim.
