Deputetja e zgjedhur e Lëvizjes Vetëvendosje, Fjolla Ujkani, ka deklaruar se nuk do ta votonte ish-presidenten Vjosa Osmani, në rast se do të propozohej sërish për kryetare të shtetit.
“Unë nuk kam votë për Vjosa Osmanin. Ne jemi për president të unitetit. LDK mund të bëjë propozime, por nuk kemi nevojë për president politik. Edhe PDK mund të bëjë propozime”, ka thënë Fjolla Ujkani në “Këndi i Debatit” në Tëvë1.
Sipas saj, VV-ja është e gatshme që ta ndajë pushtetin.
“Ne jemi të gatshëm ta ndajmë pushtetin, ne po ofrojmë president konsensual. Dihet se kemi bërë ftesa për të gjitha partitë politike në vend. Jemi të hapur për zgjidhje jo zgjedhje”, vlerësoi Fjolla Ujkani.
