Fjolla Ujkani nga Lëvizja Vetëvendosje i ka komentuar zhvillimet e fundit në Kuvendin e Kosovës ku deputetja e Aleancës, Time Kadrijaj e goditur me vezë kryeministrin ne detyrë, Albin Kurti.
Një gjë e tillë ndodhi në vazhdim të seancës për konstituimin e Kuvendi, gjë e cila nuk ndodhi për shkak të kërkesës së Kurtit për kohë shtesë.
Lajmi ka bërë bujë edhe në mediat e huaja.
“Pamjet e Time Kadriajt me vezë kanë bërë xhiro në mediat e huaja. Unë jam kundër këtyre aksioneve të tilla. Cili ka qenë qëllimi që e gjuajti Kurtin me vezë?. Kur e gjuan me vezë dikë, duhet ditur se pse. Unë nuk jam kundër deputetes Time Kadrijaj, për të cilën ka respekt, por gjuha e përdorur është e pa pranueshme. Mirë që mediat ndërkombëtare, nuk e kanë përkthyer gjuhën e Time Kadriajt sepse në tempullin e demokracisë të përdorën fjalë banale është e turpshme”, ka deklaruar Fjolla Ujkani për emisionin “Mesditë” në Tëvë1.
Ujkanit i’u kujtua nga moderatorja e emisionit se edhe partia e saj në kohën sa ka qenë në opozitë ka gjuajtur me vezë, madje edhe me gazëlotsjellës.
“Në kohën tonë kemi protestuar për gjëra të mëdha. Mos të harrojmë se ka qenë votimi i Gjykatës Speciale dhe Demarkacioni”, shtoi ajo.
