Kompania Rajonale e Ujësjellësit “Prishtina”, ka njoftuar që sipas ligjeve në fuqi, tani e tutje do t’i ndëshkojnë ata persona të cilët e keqpërdorin ujin.
Sipas tyre, si pasojë e disa personave, uji nuk po arrin në pika të larta furnizuese, e sidomos në zonat rurale, përcjell teve1.info.
“Uji ka filluar të keqpërdoret me të madhe. Si pasojë e personave të pandërgjegjshëm, uji nuk po arrinë në pika të larta furnizuese, sidomos në zonat rurale. Papërgjegjësia e të papërgjegjshmëve duke siguruar ujë të pijshëm edhe për ujitjen e kopshteve të tyre, do i penalizon ata shumë shpejt. Inspektorët tanë do veprojnë sipas ligjeve në fuqi. Derisa Ligjet ndëshkojnë të papërgjegjshmit, nuk ka formë tjetër për pëveç ndëshkimeve. u lutemi thirrni në numrin e telefonit pa pagesë 080090009 dhe denonconi rastet në anonimitet nga ora 08:00-22:00”, thuhet në njoftimin e tyre në Facebook.
Derisa, kanë shtuar që do jenë të pakompromis ndaj vjedhjes së ujit të pijshëm./teve1.info/.
