Për ta bërë më të lehtë konsumin e ujit, ju mund të luani me shijen e tij.
Duke përftuar kështu një pije të shijshme dhe natyrale, që do ta mbajë trupin të hidratuar dhe do të përmirësojë shëndetin në shumë mënyra.
Përfitimet shëndetësore të ananasit dhe ujit me ananas
Vetë fruti i ananasit ka efekte të fuqishme anti-inflamatore për shkak të pranisë së enzimave që shpejtonjnë procesin e shërimit dhe lehtësojnë dhimbjen.
Këto enzima kanë gjithashtu veti të fuqishme antiparazitare, kështu që konsumi i rregullt i ananasit shkatërron dhe largon parazitët nga mëlçia dhe zorrët.
Prania e lartë e bromelinës dhe jodit, do të parandalojë çrregullime të ndryshme autoimune dhe do të lehtësojë çrregullimet e tiroides.
Ananasi është i bollshëm me fibra, kështu që konsumimi i tij krijon një ndjesi ngopjeje. Ndërsa tiamina që ai përmban, përshpejton metabolizmin, dhe shndërron karbohidratet në energji.
Për më tepër, ananasi është i pasur me kalium, i cili forcon trupin dhe ruan një ekuilibër të shëndetshëm të elektroliteve.
Nga ana tjetër, uji me ananas është tepër i dobishëm në luftën kundër inflamacionit të zorrës së trashë dhe lehtëson gjithashtu simptomat e astmës.
Nëse shtoni edhe disa fara kopër në pije, ju do të shtoni më tepër aromë dhe do të qetësoni sistemin e tretjes.
