Pas ndërprerjes së mësimit për shkak të kushteve të këqija atmosferike, procesi mësimor do të rifillojë nesër në të gjitha shkollat e prefekturës Kukës.
Sipas konfirmimeve të marra nga drejtuesit e shkollave, administratorët e njësive administrative dhe shtabi i emergjencave, 37 shkolla do të rinisin mësimin pas dy ditëve pushim për shkak të motit të keq që ka përfshirë rajonin, shkruan A2 CNN.
Në një njoftim zyrtar, Prefektura e Kukësit bëri me dije se mësimi u ndërpre pas një urdhri të shpallur ditën e diel, për shkak të kushteve të rrezikshme të motit.
Autoritetet lokale dhe shtabi i emergjencave janë angazhuar për të garantuar kushte të sigurta për rikthimin e nxënësve në shkolla.
