Borussia Monchengladbach mund të përjetojë një emër të madh në pankinë, pasi legjendës së Real Madridit, Raul, thuhet se i është ofruar mundësia për të marrë drejtimin e skuadrës.
Sipas “SPORT BILD”, agjenti i spanjollit, Gines Carvajal, ia ka propozuar emrin e tij klubit gjerman pas shkarkimit të trajnerit Gerardo Seoane më 16 shtator.
Raul dha dorëheqjen këtë verë pas gjashtë vitesh në krye të Real Madrid Castilla, dhe tashmë mezi pret një sfidë të re në Bundesligë. Ai është i gatshëm të marrë përsipër një projekt të ekipit të parë.
Spanjolli sjell disa avantazhe: ai flet rrjedhshëm gjermanisht nga koha kur luajti për Schalke 04 (2010–2012), njihet si trajner serioz e punëtor dhe nuk ka kërkesa të mëdha financiare.
Emërimi i tij mund të sjellë menjëherë freski te Gladbach, duke motivuar skuadrën dhe ndoshta tërhequr edhe talente të reja, ngjashëm me suksesin që e perjetoi Xabi Alonso te Leverkuseni.
Aktualisht, klubi po mbështetet te Eugen Polanski si trajner i përkohshëm, pas humbjes 4-6 ndaj Eintracht Frankfurt.
Por opsioni Raul shihet si një mundësi e guximshme për të hapur një faqe të re.
Kjo javë pritet të jetë vendimtare për të ardhmen e Raul, derisa gjasat janë shumë të mëdha që ai të merr drejtimin e skuadrës gjermane.
