Tutje ai ka thënë se shpreson për një armëpushim nëse të dy palët nuk tërhiqen nga përparimi i arritur deri më tani.
Ministrat e Jashtëm, Sergei Lavrov i Rusisë dhe Dmytro Kuleba i Ukrainës, u takuan në qytetin turistik turk të Antalias në fillim të këtij muaji me Ministrin e Jashtëm turk Mevlut Cavusoglu gjithashtu i pranishëm. Diskutimet nuk dhanë rezultate konkrete.
Cavusoglu, i cili gjithashtu udhëtoi në Rusi dhe Ukrainë javën e kaluar për bisedime me Lavrov dhe Kuleba, tha se kishte pasur afrim në pozicionet e të dyja palëve për tema të rëndësishme dhe kritike.
“Mund të themi se shpresojmë për një armëpushim nëse palët nuk bëjnë një hap prapa nga qëndrimet aktuale” ka thënë ai.
Kievi dhe Moska raportuan disa përparime në bisedimet javën e kaluar drejt një formule politike që do të garantonte sigurinë e Ukrainës, duke e mbajtur atë jashtë NATO-s, megjithëse secila palë akuzoi tjetrën për zvarritje të çështjeve, raporton Reuters.
Turqia, anëtare e NATO-s, ndan një kufi detar me Ukrainën dhe Rusinë në Detin e Zi, ka marrëdhënie të mira me të dyja dhe ka ofruar të ndërmjetësojë mes tyre.
