Kombëtarja e Turqisë ka shënuar fitore minimale ndaj Gjeorgjisë në ndeshjen e parë të Grupit F në “Euro 2024”.
Në duelin e luajtur të martën pasdite, Turqia triumfoi me rezultatin e ngushtë 3:1.
Mbrojtësi Mert Murdulur e kaloi Turqinë në epërsi në minutën e 25-të, përpara se në minutën e 32-të Gjeorgjia ta barazoj rezultatin me anë të Georges Mikautadzes.
Në pjesën e parë, Turqisë iu anulua një gol i shënuar nga Kenan Yildiz për shkak të pozitës jashtë loje. Në pjesën e dytë, Turqia e riktheu epërsinë me anë të mesfushorit Arda Guler. Ai shënoi në minutën e 65-të për ta vulosur rezultatin e takimit.
Fitoren Turqia e konfirmoi në minutën e shtatë të kohës shtesë kur rezervisti Kerem Akturkoglu realizoi në një kundërsulm të shpejtë për rezultatin përfundimtar të ndeshjes.
