Edon Zhegrova është pjesë e listës së futbollistëve që trajneri i Juventusit, Igor Tudor i ka ftuar për ndeshjen kundër Real Madridit.
Zhegrova është stërvitur me pjesën tjetër të ekipit të martën, para se Tudor ta publikojë listën e tij.
Sulmuesi i krahut, duket se është rikuperuar plotësisht nga lëndimi që e mbajti jashtë ndeshjes me Comon, të luajtur të dielën e shkuar në kuadër të Serie A.
26-vjeçari deri më tani, ka 3 paraqitje me Juventusin në të gjitha garat.
Ndeshja Real Madrid – Juventus, luhet të mërkurën prej orës 21:00 në kuadër të Ligës së Kampionëve.
