Presidenti i Shteteve të Bashkuara, Donald Trump, ka sugjeruar se Ukraina “mund të bëhet ruse një ditë” pasi kërkon të përmbushë zotimin se do arrijë një përfundim të shpejt në luftës në Ukrainë.
“Ata mund të bëjnë një marrëveshje, ata mund të mos bëjnë një marrëveshje. Ata mund të jenë rusë një ditë, ose mund të mos jenë rusë një ditë”, tha Trump në një intervistë me transmetuesin amerikan Fox News.
Trump e bëri komentin në një intervistë të hënën, teksa diskutoi për konfliktin trevjeçar që ka pasuar pushtimin në shkallë të plotë të Rusisë.
Udhëheqësi i ShBA përsëriti gjithashtu se ai kërkon kompensim për ndihmën që ShBA i ka dhënë Ukrainës duke ua kompensuar me mineralet e rralla të tokës.
“Ne do t’i kemi të gjitha këto para atje dhe unë them se i dua ato. Dhe unë u thashë atyre se dua ekuivalentin, si 500 miliardë dollarë tokë të rrallë”, tha Trump. “Dhe ata në thelb kanë rënë dakord ta bëjnë këtë, kështu që të paktën ne nuk ndihemi budallenj.”
Ndërkohë, Kievi ka sugjeruar se është i hapur për një marrëveshje që do të shohë Uashingtonin të kompensohet për ndihmën e vazhdueshme ushtarake dhe financiare.
Shefi i shtabit të presidentit ukrainas Volodymyr Zelenskyy, Andriy Yermak, i tha agjencisë së lajmeve Associated Press se Ukraina është “e interesuar të punojë” me ShBA-në për marrëveshjen.
