Presidenti amerikan, Donald Trump ka thënë të hënën se Izraeli dhe Hezbollahu kanë rënë dakord që të ndalojnë luftimet, në një përpjekje deeskalimi pasi kryeministri izraelit, Benjamin Netanyahu urdhëroi sulme në periferi të Bejrutit të hënën.
Zyra e Netanyahut tha se sulmet ne Bejrut do të vazhdojnë nëse Hezbollahu vazhdon sulmet në qytetet izraelite, kurse operacionet ushtarake në jug të Libanit do të vazhdojnë “sipas planit”.
Kryenegociatori i Iranit, Mohammad Bagher Ghalibaf, kërcënoi dje se Irani do të pezullojë negociatat me SHBA-në nëse Izraelit vazhdon kampanjën në Liban.
Kurse, Shtabi Qendror i IRGC-së, paralajmëroi të hënën banorët e Izraelit të bëhen gati për sulme në rast se Izraeli sulmon Bejrutin.
Zyrtarët iranianë kanë insistuar se armëpushimi mes Teheranit dhe Uashingtonit zbatohet në të gjithë rajonin, përfshirë dhe Libanin, dhe se çdo shkelje e tij e dëmton marrëveshjen e gjerë dhe do të ketë pasoja për SHBA-në dhe Izraelin.
Trump tha se ka siguruar angazhime si nga Izraeli dhe Hezbollahu që të ndalin luftimet, pas bisedave të bëra me Netanyahun dhe ndërmjetësit e Hezbollahut, duke thënë se ka ndaluar një ofensivë më të gjerë izraelite në Bejrut.
Ministri izraelit i Sigurisë Kombëtare, Itamar Ben Gvir ka kritikuar Trumpin për përpjekjen për të ndalur sulmet, dhe i ka bërë thirrje kryeministrit izraelit që të refuzojë presionin amerikan nëse është e nevojshme./teve1.info/
